مونيكا ويلم تكتب .. ليك حق لو مصري وحاجة

سجل دخولك حتى تتمكن من تسجيل اعجابك بالخبر
مصر حلوة من غيرنا ونظيفة كمان !!
 
احنا شعب همجي شعب بيسيب حقة شعب بيحب يعيش في بيئة مش نظيفة شعب بيقول سمعاً وطاعاً
 
اتأثرت شوية ، دمك فار طيب حصل اي حاجة !!
 
ممكن اه وممكن لاء
 
بس هي دي الحقيقة احنا شعب بيخاف يأخد حقة بيخاف يبجح لو ليه حق، بياخد بعضة ويمشي من سكات ودا الي خلانا مش عارفين نوصل ل أي حاجة دلوقتي
 
بنشوف حقنا قدام عينينا ومش بنعرف نتكلم ومننا الي بيشوف ابسط حقوق ليه بتتاخد من قدام عينة وبرضوا مش قادر يتكلم عشان محدش في ضهره مالوش واسطة بمعني اصح
 
لينا واحد صاحبنا اتشد أيام الالترس المصري عشان كان بيوصل ناس صحابنا في الشارع وهو ولا لية في أي حاجة دا لية !! عشان مافيش تحقيق بلد ماشية كده بتاخد كله في كله دا غير الي اتمسك من
 
غير ذنب، شباب بيضيع جزء من عمرهم في ظلم
 
ظباط المرور الي بتسحب رخص الناس كده بتتلكك عشان تسحبها من غير اي مخالفة ومن غير ما تشوفهم كسروا اشاره ولا اي حاجة قصاد كده في كتير اوي بيكسروا اشارات ومش بيركبوا ناس
 
وبيتأمروا ولا بيحصل معاهم اي حاجة دا يدل ان احنا في بلد عشوائية ماشية بالبركة
 
لما تلاقي الأسعار كل يوم بتغلي والناس الغلابة مش عارفين يأخدوا ابسط حقوقهم من الدولة الأكل الي بيكلوا لما موظف غلبان ياخد مرتب علي قده متعرفش هو هيعمل اية بية يجيب
 
اكل لعيالة ولا يدفع ال الدولة عاوزاه منه !!
 
كام واحد من المسئولين بينزل الصبح يقعد علي مكتبة ولا بيعمل اي حاجة كوباية القهوة بتاعته قدامة ومش بيصلح في البلد مش بيشوف شغلة مش بيشتغل مش بيحاسب الي بيغلط مش بيتكلم
 
للأسف احنا بنرجع اسوء من الاول
 
 
 
 

Ahmed Sherdy Ahmed Sherdy
المدير العام

رئيس مجلس إدارة مصر الآن

0  581 0

الكلمات الدلالية

آخر المجبين بالخبر

اخبار مشابهة

اخبار مقترحة