مونيكا ويليم تكتب .. فازة !!

سجل دخولك حتى تتمكن من تسجيل اعجابك بالخبر

أي حد هيبص علي الأسم من بره هيجي في دماغة فازة البيت او اي حاجة تاني مثلا او ممكن ميجيش حاجة في دماغة اصلا
الفكره هنا والي حابه اتكلم عنها اننا منكنش احنا فازة يعني مالناش لازمة غير اننا زينة للمكان الي احنا فيه بس اننا اي حد يشلنا من مكان يحطنا في مكان تاني من غير ما يأخد راينا او يكون لينا رأي في الموضوع نتشال ولا لاء !!

انت كائن حي ربنا خلقة يعيش ويتعايش ويتنفس ويتكاثر وحاجات كتير كده، يعني انت مش جماد انت انسان ليك مشاعر وليك اولويات وليك حقوق وواجبات ليك هدف وطريق بتمشية عشان توصل لحاجة انت عاوزها

ومن هنا نطلع ب حقوقك في كل حاجة احنا عايشين فيها وبنواجها، حقوقك من الدولة ذات نفسها اذا كان تعليم او حقوقك رأي يتأخد انت جزء من المجتمع دا، المجتمع دا مش ماشي لوحده حتي المسئول انه يمشية انت الي مختاره انه يعمل كده عشان انت واثق بس في قرارته بس لو حسيت ان القرارات دي بتدات تتاخد غلط او ولا حاجة اتغيرت من الي كان نفسك تتغير يبقي لازم يكون ليك واقفة هنا !!
لازم تتكلم متخليش حد يسلب منك حريتك وحقك في انك تعيش او انك تستمتع بالحيااة، كام واحد فينا نفسه عيالة يخلصوا ويتعينوا كام واحد فينا نفسه ياكل عيالة احسن اكل ويلبسهم احسن لبس طيب كام واحد فينا الناس الي ماسكين البلد اجوا عليه اعتقد الشعب كله وهيفضلوا يجوا ويجوا طول ما احنا مش بنتكلم
كام واحد اتظلم في ثانوية عامة بسبب التنسيق عشان بس كليات الخاصة تشتغل وعلي رأي المثل  "مقدرتش علي الحمار يقدر علي البردعة " يعني مقدرتش علي الي سرب الامتحان هقدر علي الطلابة الغلابة وللاسف وزير التربية والتعليم مكنش ليه رأي في الموضوع شكرا !!

خطف البنات الي شغال الله ينور اليومين دول في معظم محافظات مصر ومحدش عارف يجيب البنات دي دا يدل علي ان مافيش أمن في البلد ودا الحاجة الي مفتقدنها اصلا في بلادنا، ناس هتقول طيب ما دا كان بيحصل
ايوة كان بيحصل بس بنسبة قليلة يعني كان ممكن بنت تمشي في وقت بليل لوحدها زمان لكن حاليا لاء للاسف محدش يقدر يعمل كده يبقي بنسب ولا مش بنسب
دا يدل ان اولا مافيش ولا أمن ولا أمان، ثانيا ان بعد ما بيحصل كده ودي كارثة مش بنقدر نجيب الي اتخطف لاننا ببساطة مش عارفين مين الي خطف !!! ودا من هنا في وزارة كتير نايمين

الفكره اننا في كلا الحالتين بنسكت بنفضل اننا منتكلمش عشان منعملش مشكلة مع اننا بسكتنا دا بنعمل اكبر مشكلة الواحد مننا لما التيشرت بتاعه بيتقطع يأما بنخيطة او بنرمية
بنخيطه دا يعني بنتكلم وحابين نصلح الحاجة دي حتي لو هتسيب علامة بس هتتصلح للأحسن
بنرمية يعني مش بنوجع دماغنا اننا لسة هنصلح ولا اي حاجة بنتخلص منه علطول ودا للأسف المنتشر اليومين دول بنكبر دماغنا من غلو حاجات من سلب حريات وحقوق من حاجات كتير اوي ومشاكل لو اتكلمنا فيها مش هنخلص

لازم يكون لينا واقفة قبل ما احنا الي يتوقف علينا 


Ahmed Sherdy Ahmed Sherdy
المدير العام

رئيس مجلس إدارة مصر الآن

0  625 0

الكلمات الدلالية

آخر المجبين بالخبر

اخبار مشابهة

اخبار مقترحة