يوميات ’’دكتورة شيرويت علىالانترنت’’ … حلاوة المولد وارتباطة بالأزمة العالمية في الأسرة المصرية

سجل دخولك حتى تتمكن من تسجيل اعجابك بالخبر

بقلم د/شيماء أرنؤط

المولد النبوي قرب وكل سنة وانتم طيبين..
طبعا حديث الساعة هو الأسعار الخزعبلية المهلبية لعلب حلاوة المتنقية????????

وليه يا جماعة نبص للجانب السلبي ونتضايق لما ممكن نبص للناحية الايجابية للموضوع ونتفاءل ونبقي مبسوطين وزي الفل


???? أولا :
حلاوة المولد يعني مكسرات ؛؛ يعني فول وفستق وكاجو وسمسم وسكر وحاجات من اللي مليانة كالوريز وبلاوي زرقاء دي واللي كل وظيفتها في الحياة انها تتخنك وتطلعلك كرش وتحولك لكائن مدور أو مربع انت ونصيبك بقه ..
ويادوب تخلص علبة الحلوة من هنا وتفضل تمشي وتجري وتقضيها دايت ورياضه لحد ما نفسك يتقطع ????????


???? ثانيا :
حلاوة المولد بنقسم لنوعين :
♣ نوع ناشف وده بيوجع الاسنان جداا ومحتاج عزم شديد وقوة حديد علشان تكسره ولو اسنانك بايظة حتبوظ أكتر و يا سلام بقه لو عندك ضرس مسوس ودخلت فيه حتة حلاوة ???? يبقي عليه العوض ومنه العوض ؛؛ انت كده ممكن ترقص رقصة بحيرة البجع وتخبط دماغك م الوجع ..
♣ النوع التاني هو النوع الطري وده بقه مشكلته أكبر لانه غير انه بيبوظ الاسنان ؛؛ بيلزق في الأسنان وفي اللسان وبيلحوس الدنيا و تقعد ساعة تحاول تتخلص من الشئ الهلامي الملظلظ اللي جوة بؤك وتحاول تسلكه من كل حته في أسنانك وبرضه مفيش فايدة????????


???? ثالثا :
أسنانك باظت يبقي لازم تتوقع زيارة قريبة أو بعيدة لدكتور الاسنان علي حسب كمية الحلاوة اللي أكلتها ???????? وشوف بقه يعني ايه دكتور أسنان؟؟ يعني حقن بنج ؛؛ يعني حشو وخلع ؛؛ يعني فلوس كتير كتير ؛؛ اكتر بكتيييير من تمن علبة الحلاوة اللي انت اشتريتها واللي كانت غالية أساسا ????????


???? رابعا
دي بقه مخصوصة لست البيت ؛؛ انتي فاكرة أن حلاوة المولد دي حاجة تفرح ؟؟ مبسوطة يعني وانتي بتطلبيها ؟؟ انتي فكرتي كويس قبل ما تطلبي من جوزك حلاوة المولد في كم التلزيق اللي حيبقي في كل حته في البيت وكمية الفولية والحمصية والسمسمية اللي حتبقي مفتفتة في كل مكان !! ولو عندك أطفال و بياكلوا الحلاوة الطرية انتي عارفة حيعملوا فيكي ايه؟؟ حتمسحي الارض كام مرة وراهم ؟؟حتغسليلهم ايديهم ووشهم وتغيريلهم وتحميهم كام مرة؟؟ استهدي بالله يا بنتي ومتطلبيش حلاوة المولد صحتك بالدنيا …
♥ شوفتوا بقه أن أنا كان عندي حق وقلبي عليكم ..حلاوة ايه اللي نشتريها بخمسوميات و ستوميات دي؟؟ ده احنا بنتشعبط في رضا ربنا????????
قوموا يا جماعة استغفروا ربنا ؛؛ بلا حلاوة مولد بلا بطيخ ؛؛ ماله الرز واللبن حلو ومغذي ولونه ابيض وجميل ???? هو أينعم بقي برضه مكلف بس أكيد مش زي حلاوة المولد????????


????????كل سنة وانتم طيبين ولحلاوة المولد ناسيين ولفلوسكم موفرين????????
#حلاوة_بيه_العنتبلي
#حلاوة_المولد_أصلا_عيب_وحرام
#يوميات_الدكتورة_شيرويت


Ahmed Sherdy Ahmed Sherdy
المدير العام

رئيس مجلس إدارة مصر الآن

0  73 0

الكلمات الدلالية

آخر المجبين بالخبر

اخبار مشابهة

اخبار مقترحة