بعترفلك

سجل دخولك حتى تتمكن من تسجيل اعجابك بالخبر
 

مصر الأن تقدم قصيدة "بعترفلك " 

 بقلم : شهدي يسري

 

 

 

**بعترفلك***

 النهارده انا جاى ابارك

جاي اهني وافتكر حلم السنين

النهارده الكل شايف كله عارف

 يعني إيه لحظة حنين

يعنى اشوفكم مش بعيني لا

 بقلبي والضلوع متزلزلين

يعنى جوا القلب رعشة

 والطراطيف ف الصوابع متنملين

مش لخوفي لا دا فرحي لما شوفت

 الصبح طالع يكسر الليل الحزين

يكسر الأحزان ف قلبي

 ويشفي جرح العمر وآلام السنين

الشموس تشرق بضيك

 توهب دفاها للغلابه السقعانين

والقمر جاي يشتكي لما شاف

 ف الحسن طالعك..... والنجوم تبكي أنين

كل الحبايب قبلنا لو حسوا نار الشوق ف قلبي

راح يناموا وف شتاهم دفيانين

اه يانور الصبح اسمك ولا

 وصفك من جمالهم محتارين

العوازل بعد منك جولى يحكوا

 عن عفافك عن صفائك غيرانين

لما عرفوا انك إنت حلم عمري

 جم يهنوا وف ايديهم وردتين


Ahmed Sherdy Ahmed Sherdy
المدير العام

رئيس مجلس إدارة مصر الآن

0  125 0

الكلمات الدلالية

آخر المجبين بالخبر

اخبار مشابهة

اخبار مقترحة